Прва еколошка акција на Amphibia кај плажата Дивоно
Членовите на новиот нуркачки клуб Amphibia ја реализираа првата еколошка акција — викендов на плажата Кај Дивоно, со чистење на дното на Охридското Езеро и крајбрежниот појас.
Со прва организирана еколошка акција, Amphibia – Diving 4 Nature започна да го реализира она за што и беше основан клубот: заштита на Охридското Езеро преку директни нуркачки активности на терен.
Акцијата се одржа на плажата Кај Дивоно, едно од омилените локации на нуркачите кај Охрид. Нашите членови нуркаа и извадија поголема количина најразличен отпад од дното — стакло, пластика, метал — материјал што со години се таложел невидлив за окото од брегот, но директно влијае врз чувствителниот екосистем на езерото. Паралелно се чистеше и приобалниот појас.
Акцијата беше поддржана од нашите партнери Нула Отпад, кои го преземаат и правилно третираат собраниот отпад — без надомест, како дел од заедничката посветеност за чисто Охридско Езеро.
Ова е почетокот, не крајот. Во наредните викенди следат нови нуркачки и еколошки акции на различни локации низ Општина Охрид. Ако сакате да се вклучите како волонтер или нуркач — пишете ни.
Покривање во медиумите: „Сефте акција на нуркачите од клубот Амфибија" — Охрид Њуз
Заедно создаваме почисто Охридско Езеро.
Галерија
