Програма за работа

План и програма

Програмата за работа на Здружение за екологија и водни спортови АМФИБИЈА Охрид, донесена во согласност со Статутот на Здружението.

Цели на здружението

Што работиме

Амфибија е здружение на љубители на екологијата, природата и водените спортови, со посебен акцент на нуркањето и подводните активности како рекреативна и едукативна работа.

Свест за чиста околина

Зголемување на свеста на граѓаните за потребата од чиста околина и нејзиното одржување за развој на идните генерации.

Развој на водените спортови

Омасовување и развој на водените спортови, со особен акцент на нуркањето како рекреативна активност.

Еколошки акции

Организирање акции за подигнување на еколошката свест, чистење и уредување на животната средина, со акцент на водните површини во РСМ.

Размена на искуства

Поттикнување и размена на искуства, знаења и дружења меѓу членовите и пошироката заедница на нуркачи и љубители на природата.

Соработка со други здруженија

Самостојно и во соработка со други здруженија работиме на унапредување на нуркањето како рекреативна активност.

Заштапничка работа

Покренување иницијативи за донесување закони и прописи за унапредување на нуркањето и заштитата на водните екосистеми.

Промоција на нуркањето

Промоција на нуркањето како спорт преку најразлични маркетинг акции, презентации и настани.

Временски план

Активности по периоди

Распоред на активности по квартали — од промоција и подготовка, преку акции на терен, до анализа и обновување на програмата.

  1. 1. Мај – септември 2026

    • Промоција на Здружението во Охрид и РСМ
    • Презентација на Здружението со цел изнаоѓање спонзори
    • Уредување на просториите во кои ќе функционира Здружението
    • Логистичка припрема за набавка на опрема

  2. 2. Октомври – декември 2026

    • Подготовка и организација за претстојни еко-акции
    • Остварување контакти со сродни здруженија и асоцијации во РСМ и надвор
    • Организирање презентации
    • Логистичка припрема за идни иницијативи

  3. 3. Јануари – март 2027

    • Организација на акции за чистење на крајбрежјето на Охридско Езеро
    • Презентација на Здружението со цел изнаоѓање спонзори
    • Подготовка на просториите и опремата за летната сезона

  4. 4. Април 2027

    • Анализа на реализираните програмски цели
    • Изготвување извештај за остварените и неостварените цели
    • Изготвување програма за наредната година
    • Креирање нови планови и иницијативи

Програмата стапува во сила со денот на нејзиното донесување и се применува од денот на уписот на Здружението во Централниот Регистар на Република Северна Македонија (2026-05-04).

Вклучи се

Сакаш да бидеш дел од програмата?

Без разлика дали си нуркач, волонтер, спонзор или сродна организација — има простор за соработка. Пишете ни.

Контактирај нè